حلوة لا كريم مزينة بعجينة اللوز

*المقادير :
1 كيلو دقيق
300غ سكر كلاصي
250غ زبدة
3 خمارات
150غ لوز كامل مطحون
60غ زنجلان
نصف م ص قرفة
م ص فانيلا
الزيت القياس لي يجمع لينا الدقيق (PM)

*الطريقة :
نحطو الدقيق...في الوسط نزيدو عليه الزبدة والسكر كلاصي و2 خميرات والملح + اللوز وزنجلان ونخلطو المقادير( مزيان )كتولي بحال الرملة تقريبا نبداو نزيدو الزيت حتى نحسو بيها غتجمع لينا ويمكن ليها تتشكل ...ولكن مانديروش الزيت بزااف تقريبا شي 2 كيسان (العنبة) ..انا بعد المرات تنديرها ناقصة من الزيت كتجي زوينة ولكن تتكور بزز ههههه ...وتدلك مزياااان ...نغطيوها ونخليوها شي خمسة سوايع ترتاح ومن الاحسن تبات ليلة كاملة
* نعاودو ندلكوها ونزيدو الخميرة لي احتفضنا بيها وكوروها وندخلوها للفران يكون سخون من قبل ..العافية من لفوق حتى تتشقق ونطلعوها فوق تتحمر شوية .