شوصون مورقين بالزبده بحشوة البطاطس و التونه

كراوصان بطاطا
المقادير:
- 3 حبات بطاطا متوسطين أو 2 كبار نصلقوهم أو نفوروهم حسب الرغبة، ثم نحنوهم ميزان حتى نحصل على عجينة بطاطا.
- 1 بيضة.
- 1 كأس سنيدة (كنعبر بكأس المحلبة)
- 1 كأس زيت المائدة
- 1 خميرة حمراء
- شوي خميرة الدار
- 1 كأس حليب دافئ (أنا كنستعمل نيدو)
- دقيق حسب الخليط
- قطع شكلاط للحشو.
الطريقة :
نضع جميع السوائل في خلاط كهربائي نخلطو مزيان ثم نضيف البطاطا ونطحنوها مزياااااااااان مع السوائل، ثم نضيف الخميرة المعجونة والكيماوية ثم نصب الخليط في قصعة نضيف عليه الدقيق شوي بشوية حتى نحصل على عجينة رخوة نوعا مع الدلك الجيد جدا، من بعد ما دلكتها مزياااااااااان (الى ما عندكش العضلات عيطي على راجلك أو واحد من خوتك ههههه)...تدلكت صافي؟!! على سلامتك، إوا جمعيها بدقيق و قسميها الى 3 كرات وكرصي بالمدلك كل كرة وقطعيها كما هو موضح في الصورة اسفله .....ضعي طريف من الشكلاط على جوانب كل مثلث وشكلي على شكل هلال بطي كل مثلث (أنظر الصورة اسفله....هههههه تفكرت النشاط العلمي)....ضعي الكرواصان في طاوة مدهونة بالزيت وخليها تخمر مزيان.....وملي تبغي تدخليها الفران الساخن مسبقا ذهنيها بأصفر بيضة مخلط معاه شوي الحليب.
ملاحظة : كتعطي هاد الوصفة 24 هلال ويمكن لك ديريهم في المجمد كما أفعل وكلما أردت نجبذها ونسخنها بحال الى يالاه طيبتها.
بصحتكم وأدعولي