حلوة لا كريم مزينة بعجينة اللوز

مقادير طبقة البسكوت:

بسكوت دايجستيف مطحون 400 غم
4 م ك زبدة أو 4 حبات زبدة
2-3 م ك قشطة

نخلطهم ونبطن قالب التشيزكيك مع رفعه من الأطراف.. وندخله الثلاجة لحين عمل الطبقة الثانية..



مقادير طبقة التشيز:

علبة قشطة.. وأنا ضفت المتبقي بعد من العلبة اللي حطيناها بالبسكوت
200 غم جبن فيلادلفيا
2 ظرف دريم ويب
2 علبة حليب مكثف حجم صغييييييير تقيبا الواحد 90 غم
ظرف جيلاتين مذوب بماي

نخلط جميع المقادير ونحطهم على البسكوت.. وبعدين بالثلاجة لكمن ساعة تتماسك الخلطة..



مقادير طبقة الجلي:

(علبة جلي + كوب ماي) مخلوطين
(م ك نشا + نص كوب ماي) مخلوطين

نخلط خليط الجلي مع خليط النشا ونصبهم على خلطة التشيز.. نحط القالب بالثلاجة حتى يتماسك ومن الأفضل 6 ساعات أو يوم..