كيكة بدانيت منسمة بالقهوة
المقادير كما في المطبخ المغربي :
كاس دانيت بالشكلاط
ثلاث كؤوس سنيدة
ربع كاس زيت
خمس بيضات
نصف كاس شكلاط غبرة
نصف كاس قهوة معصرة
ثلاث كؤوس دقيق
ثلاث خمارات
طريقة التحضير :
في إناء عميق نضربوا حك دانيت مع السنيدة مزيان
ثم نضيف للإناء الزيت ونضرب ونزيد القهوة معصرة ونضرب مزيان ونزيد
البيضات وحدة وحدة مع التضراب مع إضافة قبصة ملح
ثم نزيد الدقيق مغربل مع الخميرة والكاكاو ونحرك الكل مزيان وندهن مول الكيلك
ونصب الكيك وندخلها للفرن باش الطيب.
ولتحضير كريمة القهوة نحتاج لــ :
ربع لتر حليب
كاس عنبة قهوة معصر
ثلاث ملاعق سنيدة
ثلاث ملاعق كريم باتسيير
100غ شكلاط أسود
ملعقة زبدة
طريقة التحضير :
في كسرونة على نار مهيلة نعملوا الشكلاط يذوب مع الزبدة
في كسرونة أخرى كذلك على نار مهيلة نوضع الحليب والقهوة وغبرة الكريم
باتسيير والسنيدة ونحرك بشوية حتى يعقاد الخليط عاد نضيف ليه الشكلاط
المذوب.
مرحلة التزيين :
بعدما طابت الكيكة تبقى حتى تبرد ونقسمها بخيط من الوسط إلى
إثنين ونأخذ الجزء الأسفل وندهنوا من فوق بالكريمة ونرجع فوقوا
الجزء المقطع من الكيكة ونغطي الكيكة كلها دابا بالكريمة مع دهن
الجوانب تغطى كلها
ثم نحضر الكلاصاج بدانيت :
حك دانيت شكلاط
100غ شكلاط أسود
والطريقة :
على حمام مريم نذوب الشكلاط في دانيت فقط
ثم ندهن وجه الكيك من فوق ثم نحضر شوية الكلاصاج بالكراميل،
بإستعمال شوية من دانيت مع شوية من شكلاط أبيض لنزين به
وجه الكيك، بوضع نقيطات كبار وعمل خطوط دائرية لتعطي تموجات
رخامية ويمكن تزيين جوانب الكيكة حسب الرغبة بالشكلاط
فيرمسيل أو كاوكاو مهرش أو اللوز إفلي أو حتى باسطا محكوكة.
وهذا الشكل ديالها من الداخل تتجي لذيذة ورطبة
Commenti