سلام عليكم ورحمة الله وبركاته
حبيباتي كيف حالكن
هذي حلوة لذيذة وقتصادية وفلمنضر تتجي غزالة صاوبتها لصاحبتي فسبوع دولدها
ندوزو لماقادير
زبدة د بونة او ريطة كبيرة
و2 كيسان دزيت
4 اصفر لبيض مصلوقين
و 2 خمارات
ولفورص حسب لخليط (يمكن كيلو وشيشوية)
طريقة
تنخلطو زبدة وزيت ولصفر دلبيض لمصلوق حتى يندامجو مزيان وعاد نزيدو لفورص ولخمارات ونجمعوها
تتجي ليينة شوية
نكوروها مصغيرة مكبيرة متوسطة ونديروها فلاطا وندخلوها لفران طيب
وهاهي مبعد مطابت
لتزين
نحتاجو لباسطا وشكلاط الاسود
نحكو لباسطا فشي جبانة ولاغطار وندوبو شكلاط
ونبداو نهزو لكويرات غير بشوية لانهم قلالين صحة دغيا تيتهرسو نغطسهوم فشكلاط و نفندوهوم فلباسطا
وهاهي منين وجدات سمحولي صورتها منجبانا حيت فاش صاوبتها ستفتهالها نيشان فجبانتها
هاد لقياس تيحط 170 حبة انا دائما تنصاوب غير نص فلقياس
يمنلكم تصاوبوها فلعراسات وسوابع وفلاعياد وحتى فسير الايام علاش لا
في امان الله
Commenti