حلوة لا كريم مزينة بعجينة اللوز

المقادير:

بيضه
كاس ديال العنبه ديال الحليب
نص كاس زبده او ربع زيت وربع زبده
نص خماره
ملعقه كبيره ديال الخميره المعجونه
نص ملعقه صغيره الملح
قبيصه ديال السكر
الدقيق حسب الخليط

الطريقه:

كنخلط الخميره المعجونه و الخميره العاديه و الملح و السكر مع الحليب دافي و نغطيه واحد 5د
من بعد كنزيد بيضه و الزبده المذوبه و نضيف الدقيق و انا كنخلط حتى تجمع وتكون مرخوفه ماشي قاسحه
ندلكها مزيان ونغطيها تخمر حتى يتضاعف الحجم ديالها
كنجمعها ونبسطها نخليكم مع الصور









نجيو للعماره

يمكن ديري صلصة البتزا ..والطون ..والزيتون..والفروماج

او الشعريه الصينيه و الكروفيت و الكلمار

او الكفته


او السبانخ مشحرين فشويه ديال الزبده و الملح و الابزار ..و الدجاج مشحر مع البصله مشلده ومتبل بالزعفران الحر و الثوم و الحامض و الملح و الابزار و سكنجبير… و الزيتون و كل سيده تعمر باللي بغات













هدي ديال السبانخ و الدجاج







و كندهنوها بالبيض مطرب مع شويه ديال الحليب و قبيصه ديال الملح و الموطارد و نخليوها تخمر و نعاود نذهنها بالبيض عاد نطيبها









هدي معمره بصلصة البتزا و المورتديلا و الزيتون و الفروماج












او بالطون على شكل شنيك







او عوض الملح ندير كاس ديال السكر و ندير عجينه حلوه و نعمرها بالكريم باتسيير و الزبيب

ديري ظفيره







او شميشه هه








او نزيدو عليها شويه ديال الزنجلان و النافع